...........................ഒരു ദിനം.........................
ഇന്നിവിടെ ഞാന് ഇല്ലെങ്കില്
എന്തൊക്കെ നടക്കുമെന്നിനിക്കൊന്നു കാണണം.
പുതിയ പ്രഭാതം വന്നു മുടങ്ങാതെ,
അതിനു പിറകെ വന്നു
എന്നത്തേയും പോലെ പത്രവും.
അതിനുള്ളിലൊരു പേജില്
വായിച്ചു മറക്കുന്ന വാര്ത്തയായ് ഞാനും
അങ്ങനെ ഇരിക്കെ പല പല
കാഴ്ചകള് കണ്ടു ഞാന്
ആധികള്, നെടുവീര്പ്പുകള്
ആത്മരോഷത്തിന്റെ പച്ചപുലയാട്ടുകള്.
എത്തിനോക്കുന്ന സദാചാര ചിന്തകള്,
വൈകിയെത്തുന്ന ദിനചര്യകള്,
കാത്തുകിടക്കലിന് അസഹ്യതകള്,
ഇരു ദിശകളിലെക്കൊഴുകി
പരക്കുന്ന ജനസഞ്ചയം
ഒരു ദിനം അങ്ങനെ കടന്നുപോകെ
എല്ലമോരാവര്ത്തനം.
ഇന്നിവിടെ ഞാന് ഇല്ലായിരുന്നുവെങ്കിലും
എല്ലാം അതുപോലെ നടന്നൊരു ദിനം.
മറിച്ചൊന്നു ചിന്തിച്ച ഞാനാണ് മണ്ടന്
No comments:
Post a Comment