.....................വ്യഥ.....................

വ്യഥകളാണെല്ലാര്‍ക്കും

മനോ വ്യഥകളാണെല്ലാര്‍ക്കും

വ്യഥയില്ലാതവരെ കാണുവാന്‍ കിട്ടുമോ ഭൂമിയില്‍

വ്യഥയില്ലാതെയിതെന്തൊരു ജീവിതം

അങ്ങനെയോന്നത് എങ്ങനെ സാദ്യമീഭൂമിയില്‍

അച്ഛന്റെയുള്ളിലെ വ്യഥയെനിക്കറിയാം

അത് കയ്യിലെ കാശിന്റെ കുറവിനാല്‍

ഉണ്ടാകും  മനോവ്യഥ

പുര നിറഞ്ഞു നില്‍കുന്ന ചേച്ചിയെ

കാണുമ്പോള്‍ അമ്മയ്കുമുള്ളില്‍ ഒരു വ്യഥ.

കൂട് വിട്ടു മാറേണ്ടിവരുന്ന

പെണ്ണിന്റെ വ്യഥയാണ് ചേച്ചിക്ക്.

ശിഷ്ടകാലമെന്നുവരെ അതു കഷ്ടകാലമായിടുമോ

എന്നുള്ളതാണീ മുത്തച്ഛന്റെ വ്യഥ

പിഞ്ചികീറിയ ഷര്‍ട്ടിനു പകരമോരെണ്ണം

എങ്ങനെ കിട്ടും അനിയന്റെ ഉള്ളിലും പൊട്ടുന്ന വ്യഥ

ഇവര്‍ക്കിടയിലിങ്ങനെ നില്‍ക്കെ

വ്യഥ കളില്ലാത്തതാണെന്റെ വ്യഥ